ລົດຫຸ້ມເກາະລຸ້ນໃໝ່ຂອງກອງທັບສະໂລວາກີ
ໜັງສືພິມກອງທັບປະຊາຊົນຫວຽດນາມລາຍງານໃຫ້ຮູ້ວ່າ: ລົດຫຸ້ມເກາະຂະໜາດເບົາ Valuk ຜະລິດໂດຍບໍລິສັດ Sistemska Tehnika
ແມ່ນການຍົກລະດັບມາຈາກລົດ Pandur ທີ່ສະໂລ ວາກີ ມີຂໍ້ຕົກລົງການອະນຸຍາດຈາກ SSF ຂອງໂອຕາລິດ, ເຊິ່ງແມ່ນສ່ວນໜຶ່ງຂອງກຸ່ມເອີຣົບ
General Dynamics Land Systems. ລົດຫຸ້ມເກາະ Valuk ຍັງຮັກສາຮູບຮ່າງຄ້າຍຄືກັນຈາກລຸ້ນກ່ອນທີ່ມີຂະໜາດຢາງ 6x6 ຄວາມຍາວ
5.7 ແມັດ, ກວ້າງ 2.5 ແມັດ, ສູງ 2 ແມັດ. ພາຫະນະດັ່ງກ່າວມີນ້ຳໜັກ 12,3 ໂຕນ, ນ້ຳໜັກສູ້ຮົບ 13,3 ໂຕນ ແລະ ຕິດຕັ້ງເຄື່ອງຈັກກາຊວນ
Steyr 612.35 turbocharged ທີ່ມີຄວາມໄວສູງສຸດ ໃນພື້ນທີ່ຮາບພຽງ 110 ກິໂລແມັດ/ຕໍ່ຊົ່ວໂມງ ຂອງໄລຍະທາງ 600 ກິໂລແມັດ. ຕິດຕັ້ງ
ປືນກົນໜັກ 12.7 ມມ ແລະ ປືນອັດຕະໂນມັດ 40 ມມ. ລົດດັ່ງກ່າວມີລູກທີມ 3 ຄົນ, ລວມທັງຜູ້ຂັບ, ຜູ້ບັນຊາການ ແລະ ຜູ້ຍິງປືນ, ລົດສາມາດ
ບັນຈຸທະຫານຮາບໄດ້ 6 ຄົນພ້ອມອາວຸດຄູ່ມື. ລົດດັ່ງກ່າວນີ້ແມ່ນລົດຫຸ້ມເກາະ, ປ້ອງກັນລູກປືນລູກເຈາະ ເຊິ່ງເຫຼັກມີຄວາມໜາ 7.62 ມມ ແລະ
12.7 ມມ. ນອກຈາກນັ້ນ, ລົດດັ່ງກ່າວສາມາດຜ່ານຜ່າສິ່ງກິດຂວາງເຊັ່ນ: ຂູມກວ້າງ 1.5 ແມັດ, ອຸປະສັກແນວຕັ້ງສູງ 0.5 ແມັດ, ລອຍນ້ຳເລິກໄດ້
1.2 ແມັດ, ເຄື່ອນທີ່ເທິງພູພຽງ 70% ແລະ ຄ້ອຍຊັນ 40%. ນອກເຫນືອຈາກການລຳລຽງພົນ, Valuk ຍັງສາມາດປ່ຽນເປັນລົດກູ້ໄພສຸກເສີນ ແລະ
ລົດສອດແນມອີກດ້ວຍ.
ແຫຼ່ງທີ່ມາ: ໜັງສືພິມກອງທັບ
ວັນທີ 03/10/2023